倆心知

My URL: http://come.to/tattat

I got it for free at http://come.to

我識o既朋友唔算多，知己更是十分之少，但我覺得知己兩三個就已經十分足夠，多…反而會失去o左知己o既真正意義……

友誼歷久一樣濃不必在乎在不同的天空下

我真係好相信就算同一個知己分開好耐之後，再見返面，都一樣會有好多話題，真的。朋友——是要珍惜的……一個可以伴你歡喜伴你憂o既知己就更是可遇不可求，更要疼惜哩！(很感性呀~哈!)

說說我的朋友吧:

榮少 (朱仔) 男 19

朱仔係我個死黨，我o既中學同學，雖然我地只得中二果年係同班，但由於我地兩條友仔住得好鬼近o既關係，再加上我地兩個實力差唔多(唱歌、讀書、運動、身形……好多好多)，所以我地好鬼friend！我地兩個中二果陣一齊去過英國添，一齊辛苦過！哈哈！
佢都有上網有icq，但係佢淨係add佢已識o既朋友o家咋，所以唔使講佢個icq no.，佢唔會add你，哈哈！

東東大師 男 18

一個抄我個名o既東東大師，佢係我個中學同學，仲係坐係我隔籬住添，成日嘈住我，搞到我成日都聽唔到書，成日引我走堂。佢張檯成張都係陳曉東、黎瑞恩、洪健華呀…好核突！又成日伸隻手過o黎我張檯搞我檯面個張楊采妮相，麻鬼煩煩咁o家！不過，佢都算有眼光，知道華仔係好o野，但係都係靠我o既循循善誘！
佢有個網頁o家，都算係唔錯啦，叫做東東大師 Cutie Land，得閒去睇吓丫！佢都鍾意新朋友，佢icq #5321262

Menu 女 15

Menu係我個好網友，她這個人嘛……怎樣說呢？幾好丫，最好o既係佢打中文夠快囉，同我差唔多，所以我地傾計傾得好快，哈哈，咁咪好多o野講囉。佢個人就幾好o既，幾樂天o家，佢都好似無咩o野煩咁o既，少少傻傻地咁啦！依家仲開始有少少自大添啦，應該係近得我多o勒……哈哈
佢又係有個網頁o家，差o的正過我o個個丫，幾危險呀！叫咗夢風船丫！去睇呢個僅次於我o既網頁啦！哈哈，佢icq #3742954

百力枝 (妹妹)
女 16

百力枝其實叫阿Keiyan，佢叫百力枝係因為佢話佢似同埋佢又鍾意食喎(咁咪瘦到……)。佢成日傻笑o家，佢鍾意織手繩，都織得好靚o既，又鍾意影貼紙相，哈哈！仲有呀，佢好鍾意傾電話o家，成日一路上網一路同人傾電話o家，哈哈！
佢都整緊網頁，不過未整好，佢icq#4412548

翠兒女 15

翠兒係一隻雀仔，佢頭好大但係個身好細，哈哈！由於翠兒係雀仔o既關係，所以佢o既強項就梗係唱歌啦，話晒佢都係一隻雀仔o黎o家嘛，但係由於佢個頭太大o既關係當然係飛唔到啦！哈哈！佢都幾暴力下，成日諗住拎槍 (水槍) 射人o家！
佢又係整緊佢個網頁，又係未完工，佢icq#2966409

Flora 女 16

Floar 嘛……她呢個人o既taste好特別……哈哈！佢偶像係真情安仔呀，即係劉愷威，佢仲有劉愷威o既CD呀！幾神奇呀！咁難搵都俾佢搵到…哈哈！佢又會成日傻笑o家，佢係一隻唔食魚o既貓o黎o家，好神奇，但係我又成日俾魚佢食！佢又成日話人啦，又成日lu人啦，好惡死o家，哈哈！
佢無我咁精叻識整網頁...hehe....佢icq#3791893

小魔怪 女 16

小魔怪係我係網上識o既朋友，但係原來佢竟然係同我住係同一區同一個花園，不過唔係同一座，係隔籬果座，真係好神奇，佢都係鍾意許志安o家，佢個人又係有少少傻傻地咁啦 (點解我o的朋友都係咁o既...但係我又唔係咁o家o番...哈哈)..佢都好鍾意聽歌o家，佢又鍾意去newsgroup呢！
佢icq#4229449

滑嘟嘟
女 17

佢點解叫呢個名？我諗主要原因係因為佢似o卦，哈哈！唔係我講o家係佢自己話o家，我諗可能佢係紫色o既同埋身型係啤梨型o既，哈哈！佢又成日扮大個啦，明明細過我都要叫我小朋友......唉......人仔細細巴巴閉閉o家，哈哈！
佢話考完會考整網頁喎，佢個icq#4868104

　

小鴨 (Angela)
女 18

小鴨身在加拿大，這個怪名是她最近才改的，她和我的出生很有關係……我永遠都唔會唔記得佢生日係幾時，就算想忘也忘不了……因為……佢同我係同年同月同日出世的！哈哈！所以我一定記得佢生日哩，除非我連自己嘅生日都唔記得啦，哈哈！
她也有自己的網頁o家喎，都相當不俗呀，佢icq#4901403

以上的朋友都是一些有特別個人性格 (古怪……) o既朋友及知己，故有很多「正常朋友」未被列出，敬請原諒！哈哈！(未被列出的應該慶幸哩！哈哈)，睇o下下次邊個咁唔好彩俾我加埋上去先！Hehe~~~~~~~