除了在家，每日有七個鐘頭我都係係學校o既......

雖然有時係學校真係好鬼悶，搞到我有時要走o下堂輕鬆下先得 (中六中七先走咋，幾乖呀!) ...hehe...但係有陣時又幾好玩，尤其係我有班勁搞o野o既同學！故此我在這網頁中亦希望談談我的學校同我o個班啦！

這間就是我的學校了！拔萃男書院！

　

呢張就係中七文o既"懶"正經班相！ 嘩嘩嘩！一望就知呢班人就係精英中o既超級精英啦! 個個都係超級醒目仔啦!

但係…其實呢張先至係中七文班o既真面目！ 唉…其實個個都係亂黨一名！我當然都係啦！ 有呢班咁"好"o既同學仔，有咩理由唔變得精靈先得o家……

　

我們這班同學嘛……其實係一班「波牛」(大部分都係)！只要你俾一個類似圓形o既物體我o地，無論係網球、足球(大細都殺!)、乒乓波、就算係一張癈紙摺埋一舊都可以踢餐死o既，諗返起都幾搞笑！(但係我自己都係…hehe)

我o地最嚮往o既就梗係PE堂同空堂啦!係呢o的堂o個陣，我o地呢班足球「老」將可以回到我們的足球場舒o下筋骨嘛…我o地班老餅…唉…想當年…我o地F.1仔o個陣…(有排講，所以從略....hehe~~~)

　

↑ 這個係我地學校個field o勒!

呢個就係我們的足球場o勒！ 我o地o的超級球技就係係呢度練返o黎o家o勒! 呢度o有唔少草係我o地o的汗水淋大o既(勁誇張哇!hehe~~)

　

　

拔萃精神！

拔萃…… 我覺得拔萃最令我自豪o既係「拔萃精神」，但係又好難講得出「拔萃精神」係o的咩o野…大概係「出乎其類，拔乎其萃！」，但係每逢學界比賽就可以好清楚咁感覺到……

　

「拔萃精神」唔單止拔萃o的運動員有，其實個個拔萃仔都有o既，只不過係係唔同方面o者…… 我覺得個個拔萃仔總有佢o地獨特o既一面……

　

我在拔萃裡總算渡過了七個年頭，都算係一段唔短o既時間，由從前一個矮矮細細o既小伙子到全校最大o既中七生，係這七年裡面，我係拔萃得到好多o野但係我俾返學校o既o野就真係好少好少……真係幾慚愧…希望第日我可以幫學校做返o的o野…至少唔好整衰學校o個名，真的。